ટીવીના વિવાદિત રિયાલિટી શો બિગ બોસ 14ની આ સીઝનમાં ખુદને દેવી માનો અવતાર ગણાવનારા રાધે માની એન્ટ્રી થવાની છે. ચેનલે તેની પહેલી ઝલક પણ શેર કરી દીધી છે. ખબર મુજબ તો રાધે મા આ વર્ષની સૌથી મોંઘી કન્ટેસ્ટન્ટ છે.

હાલમાં જ આવેલા બોલિવૂડ લાઈફના સમાચાર મુજબ રાધે મા ઉર્ફ સુખવિન્દર કૌરને શોમાં આવવા માટે દર અઠવાડિયે 25 લાખ રૂપિયા આપવામાં આવશે. આટલી વધુ ફી સાથે રાધે મા આ સીઝનના સૌથી મોંઘા કન્ટેસ્ટન્ટ છે. અમુક સમાચાર એવા પણ છે કે રાધે મા બિગ બોસના ઘરમાં માત્ર એક જ અઠવાડિયું રહેશે.

વિવાદિત સ્ટેટમેન્ટને કારણે ચર્ચામાં
સુખવિન્દર કૌર ગુરદાસપુર જિલ્લામાં જન્મી હતી. નાની ઉંમરે જ ભક્તિ માર્ગે નીકળી પડેલી સુખવિન્દરને રાધે મા નામથી ઓળખ મળી. વિચિત્ર કપડાં, બોલ-ચાલ અને અલગ જ પ્રકારે મુશ્કેલીઓનું સમાધાન કાઢવા માટે તે ઘણા ફેમસ થયા. તેઓ તેમના ફેન્સને આઈ લવ યુ ફ્રોમ બોટમ ઓફ માય હાર્ટ પણ બોલે છે.

આ કોન્ટ્રોવર્સીને કારણે રાધે મા ચર્ચામાં રહ્યા

  • બિગ બોસ 4માં દેખાયેલી ડોલી બિન્દ્રા રાધે મા ની ભક્ત રહી ચૂકી છે. એક્ટ્રેસે 2015માં રાધે મા અને તેના અમુક ભક્તો પર મલાડ પોલીસ સ્ટેશનમાં યૌન શોષણની ફરિયાદ દાખલ કરી હતી. ડોલીનો આરોપ હતો કે રાધે મા તેને તેની સાથે ચંદીગઢ સ્થિત એક પંજાબના પોલીસ ઓફિસરના ઘરે લઇ ગઈ હતી. ત્યાં તેઓ તેને એક અજાણ્યા વ્યક્તિ સાથે શારીરિક સંબંધ બનાવવા માટે ફોર્સ કરી રહ્યા હતા. વન ઇન્ડિયાના રિપોર્ટ અનુસાર તે અજાણ્યો વ્યક્તિ ટલ્લી બાબા નામનો એક માણસ હતો જે રાધે મા સાથે કામ કરતો હતો.
  • ડોલીએ તેની ફરિયાદમાં રાધે મા પર એવો પણ આરોપ લગાવ્યો કે તેના અમુક ભક્તોએ બધા સામે તેની સાથે ખરાબ વર્તન કર્યું. આરોપ એવો પણ હતો કે રાધે માના દીકરાએ ડોલી સામે પોતાના કપડાં ઉતાર્યા હતા. ઓગસ્ટ 2016માં ડોલી બિન્દ્રાએ કહ્યું કે રાધે માના અમુક ભક્ત તેને ધમકી આપી રહ્યા છે.
  • સ્પોટબોયના રિપોર્ટ મુજબ મુંબઈ આધારિત બિઝનેસમેન સંજય ગુપ્તાની દીકરીએ રાધે મા અને તેના સાસુ-સસરા વિરુદ્ધ દહેજ માટે ત્રાસ આપવાનો અને ઘરેલુ હિંસાની ફરિયાદ ફાઈલ કરી હતી. મહિલાનો આરોપ હતો કે રાધે મા તેના સાસુ સસરાને આવું બધું કરવા માટે ભડકાવે છે.
  • વર્ષ 2015માં રાધે માની ઓફિશિયલ વેબસાઈટ હેક થઇ ગઈ હતી. હેકરે વેબસાઈટ પર રાધે માના અમુક વિવાદિત ફોટોઝ શેર કર્યા હતા જેમાં તે મીની સ્કર્ટ અને બૂટ્સ પહેરીને ઘણા બોલ્ડ અંદાજમાં હતા. ફોટોમાં તે બે વ્યક્તિને લલચાવતા દેખાયા હતા.
2015માં રાધે માના ફોટોઝ વાઇરલ થયા હતા.

2015માં રાધે માના ફોટોઝ વાઇરલ થયા હતા.

રાધે મા પહેલાં બિગ બોસ 10માં સ્વામી ઓમ સામેલ થયા હતા. વિચિત્ર વાતો કરનારા બાબાની બિગ બોસ જર્ની ઘણી વિવાદિત રહી હતી. સ્વામી ઓમે શો દરમ્યાન ઘણા લોકો પર વિવાદિત કમેન્ટ કરી હતી. એટલું જ નહીં એક ટાસ્ક જીતવા માટે તેમણે બાની જે અને રોહન મેહરા પર પેશાબ ફેંક્યો હતો. ત્યારબાદ સલમાન ખાને તેમની કડક નિંદા કરીને શોમાંથી બહાર કાઢી દીધા હતા. આવામાં વર્ષો પછી આવી કોઈ પર્સોનાલિટીને શોમાં જોવા દર્શકો માટે રસપ્રદ રહેશે.

LEAVE A REPLY

Please enter your comment!
Please enter your name here