હાર્વર્ડ યુનિવર્સિટીના પ્રોફેસરના મતે વર્ષ ૨૦૧૭માં સૂર્યમંડળમાં પ્રવેશેલો અંતરિક્ષ પદાર્થ તે પરગ્રહવાસી (એલિયન્સ)ના અસ્તિત્વના સંકેત રૂપ છે. પ્રોફેસર એવી લોએબે તેમના આવી રહેલા પુસ્તક – એક્સ્ટ્રાટેરેસ્ટિઅલઃ ધ ફર્સ્ટ સાઇન ઓફ ઇન્ટેલિજન્સ લાઇફ બિયોન્ડ અર્થ -માં જણાવ્યું છે કે નાસાના ટેલિસ્કોપ પર ૧૧/૨૦૧૭માં જોવા મળેલો અંતરિક્ષ પદાર્થ તે પરગ્રહવાસી દ્વારા ઉપયોગમાં લેવાયેલી વસ્તુનો ભંગાર હતો. આ પદાર્થ પરગ્રહવાસીના અસ્તિત્વનો પુરાવો આપે છે.

૨૩ એન્ડ મીના સીઇઓ તેમ જ સ્થાપક એને વોજસિકીએ પુસ્તકના જેકેટ પર પુસ્તક વિષે લખ્યું છે કે પ્રોફેસર એવીનું નવું પુસ્તક કહે છે કે આપણી ભાવિ સફળતા માટે વિજ્ઞાની જિજ્ઞાસા ચાવીરૂપ બાબત છે. પૃથ્વી નજીક પરગ્રહવાસી જીવી રહ્યા હોવાનો આ શુભ સંકેત છે. આપણે તે દિશામાં વધુ સંશોધનો કરવા જોઇએ.  નાસાએ વર્ષ ૨૦૧૭માં સૂર્ય મંડળમાં પ્રવેશેલા અંતરિક્ષ પદાર્થને ઓઉમુઆમુઆ નામ આપ્યું છે.૧૯ ઓક્ટોબર ૨૦૧૭ના રોજ નાસાના હવાઇ ખાતેના ટેલિસ્કોપ પર આ પદાર્થ જોવા મળ્યો હતો. આ ટેલિસ્કોપ પૃથ્વી નજીકના ધૂમકેતુ અને અંતરિક્ષ પદાર્થો પર નજર રાખવાનું કામ કરે છે. ઓઉમુઆમુઆનું વર્ગીકરણ આમ તો ધૂમકેતુ તરીકે જ થયું છે. તેને ૧,૯૬,૦૦૦ માઇલ પતિ કલાકે ગતિ કરતો જોવા મળ્યો હતો. નાસાએ તે અંતરિક્ષ પદાર્થ વિષે જણાવ્યું હતું કે સૂર્યમંડળમાં આવા આકારનો પદાર્થ જોવા નથી મળ્યો. અન્ય સૂર્યમંડળોની રચના કઇ રીતે તે વિષે આ પદાર્થ કડીરૂપ માહિતી આપી શકે છે.

LEAVE A REPLY

Please enter your comment!
Please enter your name here